ഗാംബിയയില് കുട്ടികള് മരണപ്പെട്ടതിന് പിന്നാലെയാണ് ലോകാരോഗ്യ സംഘടന ഇന്ത്യന് കഫ് സിറപ്പുകള്ക്കെതിരെ മുന്നറിപ്പ് നല്കിയത്. ഹരിയാന ആസ്ഥാനമായി പ്രവര്ത്തിക്കുന്ന സോനെപത്തിലെ എം/എസ് മെയ്ഡൻ ഫാർമസ്യൂട്ടിക്കൽ ലിമിറ്റഡിന്റെ കഫ് സിറപ്പുകളാണ് പരിശോധനാ പരിധിയില് ഉള്പ്പെടുന്നത്.
പ്രോമെതസൈൻ ഓറൽ സൊല്യൂഷൻ, കോഫെക്സ്മാലിൻ ബേബി കഫ് സിറപ്പ്, മാകോഫ് ബേബി കഫ് സിറപ്പ്, മാഗ്രിപ്പ് എൻ കോൾഡ് സിറപ്പ് എന്നി മരുന്നുകള് നല്കിയ കുട്ടികളുടെ വൃക്കകള് തകരാറിലാവുകയും അത് മരണത്തിലേക്ക് നയിക്കുകയും ചെയ്തുവെന്നാണ് ലോകാരോഗ്യ സംഘടന നല്കിയ മുന്നറിയിപ്പില് പറയുന്നത്.